Warsaxaafadeed Ku Saabsan Muusuq maasuqa Dayactirka Airport Hargeysa Iyo Bixitaanka Ethiopian Airline iyo Shirkada Genel Energy.

Filed under: Latest News |

Warsaxaafadeed .

 

Ujeedo :- Muusuq maasuqa   dayactirka Airport Hargeysa  iyo   bixitaanka Ethiopian Airline  iyo Shirkada  Genel Energy.

 

Ugu horeyn  waxaan halkan salaan iyo soo jeedinayaa dhamaan shacabka reer Somaliland  meel kasta oo ay joogaan-gudaha iyo dibada.

 

« Waxaa shacabka reer Somaliland gudaha iyo dibadaba  si fiican u  ogaadeen,fahmeen,kana dhergsan yihiin  Xukuumada maanta talada dalka haysaa in ay ku sifowday  MUSUQ MAASUQ — CADAALAD DARO IYO  BEEN ABUUR   baahsan oo shacabka lagu jaho wareerinayo,waxaana ugu dambeeyey Hargeysa Airport iyo Shirkada Genel Energy» :-

 

1.     Waxaa wax laga xishoodo  ah in  loo xafladeeyo,loo dabaal dego,lagu faano in Airport Hargeysa lagu dayactiray lacag ka badan 4 Milyan oo Dollar,kaas oo aynu aragno sida uu yahay iyo in xataa Diyaaradihii ka yaaceen,waa wax laga yaxyaxo.

 

2.     Waxaa ka sii yaab badan ,oo runtii qaadan waa iyo naxdin ah  halkii  sharciga la horkeeni lahaa, in shaqsiyaadkii sidaa Airport u musuq maasuqay,haddana la siiyo Qandaraaska wadada Hargeysa iyo Berbera.

 

3.     Ethiopian Airline xaq ayey u leedahay in ay fadhiisato Goraankii ay ku nabad geleyso farsamo ahaan,amaan ahaan iyo weliba dhaqaale ahaan,mana jirto cid ku qasbi kartaa in ay Somaliland ku soo laabato .

 

4.     Shirkada  Genel Energy  waxay si buuxda uga sheegtay in ay  Somaliland uga baxday 2 arimood oo kala ah a) MUSUQ MAASUQ  balaadhan oo lagu maamulay Qandaraasyada—Shaqaalaha iyo Deegamada ay ka howl gasho. b) waxay Shirkada Genel Energy si buuxda u sheegtay in ay jiraan sababo amaandaro,Dowladuna ay sugi kari wayday amaanka Shirkadaas,taasina  fadeexad weyn oo dul hoganaysa Xukuumada maanta Somaliland ka jirta.

 

Gebo gebo :-

 

Xidhiidh aanu la samaynaynay Shirkada Genel Energy iyo Ethiopian Airline,labaduba waxay  si buuxda  u cadeeyeen uu ay jiraan  Musuq maasuq baahsan oo aan xad lahayn iyo Dowlada oo sugi kari wayday amaankooda,sidaa daraadeedna aanay  Somaliland dib ugu laaban karayn inta la xalinayo arimahaas.

 

Ugu dambeyntii waxaanu ugu baaqaynaa Golayaasha xilligoodii dhamaaday(Guurtida iyo Wakiilada),Garsoorka dalkaiyo guud ahaanba shacabka iyo waxgaradka reer Somaliland  in sida ugu dhaqsaha badan Sharciga la horkeeno cida Jeebabka ku guratay dhaqaalihii Airport Hargeysa iyo Shirkada Genel Energy.

 

Waynu wada jecelahay dalkeena  dhamaanteena masuuliyad ayaa inaga wada saaran in aynu ilaashano,laakiin looma adkaysan karo  boobka iyo cadaalad darada ay ku caan baxday Xukuumada maanta  talada dalka haysaa.

 

ALLAA                   MAHAD                 LEH

 

Abdi M.Saleiman(Mingiste)

 

Xoghayaha.Arimaha Gudaha iyo Xidhiidhka Gobolada.

 

Xisbiga UCID

 

abdi_saleiman@hotmail.com.

Leave a Reply