Xisbiga Wadani Oo Ka Hadlay Qorshayaal Dalka Khatar Ku Ah Oo Xukuumadda Siilaanyo Ka Bilawday Jaamacadaha Somaliland.

Filed under: Latest News |

Hargeysa(BM)-Xisbiga Mucaaridka ah ee Wadani ayaa warsaxafadeed ka soo saaray ‘dhaqamo dalka khatar ku ah oo Xukuumadda Siilaanyo ka bilawday Jaamacadaha Somaliland .Warsaxafadeedkaasi oo dhamaystirana waxa uu u dhignaa sida tan.”

Date, sepember 11, 2013

Warsaxaafadeed Xisbiga WADDANI

Waxa baryahan dambe bulshada reer Somaliland la socotaa in madaxweyne Siilaanyo uu ka qaybgalo xafladaha qalinjabinta jaamacadaha waddanka isla markaasna uu bixiyo shahaadooyinka ay ardaydu ku guulaysatay iyada oo aanu madaxweynuhu wax qorshe ah oo intaas dhaafsiisan aanu u haynin ama aanu usoo jeedin ardayda iyadoo aynu ognahay tacabka badan ee la galiyey ardayda qalinjabinaysa waalidiin iyo macalimiinba.

Hadaba waxaanu leenahay madaxweyne lagaagama fadhiyin hambalyo iyo dhoolacadayn kaliya ee waxa lagaa sugayey in aad la timaado qorshe cad oo wax tar u noqda ardaydaas halganka dheer soo gashay.

Waxa kale oo layaab noqotay in madaxweynaha iyo inta ku ag xeerani ay xafladaha shardi kaga dhigaan inaan lagu soo casuumin Xisbiyada mucaaridka ah iyo cid kasta oo ay ka filayaan dhaliil taas oo ku cusub hab dhaqanka umadda Somaliland macnaheeduna yahay in madaxweynaha laga qariyo runta jirta.

Xisbiga Mucaaridka ah ee WADDANI wuxu walaac weyn ka qabaa qorshe la’aanta iyo habaqlaha ay xukuumadda madaxweyne Axmed Siilaanyo dalka ku waddo

Alla Mahad Leh

Xoghayaha Warfaafinta Xisbiga WADDANI
Md, Maxamed Xasan Dirir.

Dhaqamada noocan ah ee Xukuumadda Siilaanyo Jaamacadaha dalka ka samaynayso ayaa noqonaaya dhaqan u gub ah oo aan Somaliland hore loogu aqoon ,balse waxay muujinaysaa faashilnimadda Siilaanyo iyo maamulkiisa hadhaysay.

Leave a Reply