Xisbiga Wadani Oo Laaluushka Ay Xukuumaddu Ku Eedaysay Garsoorka Masuul Uga Dhigay Waaxda Fulinta

Filed under: Latest News |

Hargeysa(BM) Hanti-dhawraha Guud ee Xisbiga Wadani isla markaana ah Guddoomiyaha Guddida Waaxada Warfaafinta Xasan Xuseen Maxamed (Codyare) ayaa Laaluushka iyo musuqmaasuqa uu wasiirka Arrimaha Guduhu ku Eedeeyay Waaxda Garsoorka dusha ka saaray Waaxda fulinta, waxaanu sheegay in ay Xukuumaddu Gar-soorka u jeexday dhaqanka Laaluush qaadashada, isagoo farta ku fiiqay in ay xukuumaddu u jidaysay.

Sidoo kale, Cod-yare waxa uu xukuumadda ku dhaliilay in ay horsed ka tahay Eexda, qaraaba kiilka iyo Laaluushka isagoo xusay I n shaqaalaysiintii iyo safaradii dibedaba qabyaaladaysay isla markaana ka dhigtay nidaam Beelaysan.

Warsaxaafadeed uu Hanti-dhawrka Xibiga Wadani soo gaadhsiiyay War baahinta ayaa u dhignaa sidan:-

Guul-darooyinka xukuumadda Kulmiye ee sida isdaba jooga ah isaga soo dabadhacaya waxaa ka mid ah.

Milgihii dawladnimo, kala danbayntii, iyo wax wada-lahaanshihii bulshada Somaliland oo maalinba maalinta ka danbaysa meesha kasii baxaya.

Waftiyada beelaysan ee safarada u baxa taas oo macnaheedu yahay daahfurnaan la’aanta iyo sad-bursiga Xukuumadda Kulmiye ku soo kordhisay geedi socodkii dimuqraadiyadda Somaliland.

Xukuumadda Kulmiye oo si badheedh ah u cadaysatay Musuqmaasuqa ka dhex jira iyo laaluushka aafeeyey dhamaan ha’yadaha ay fulintu kow ka tahay islamarkaasna saameeyey Caddaaladda iyo  Garsoorka  dalka.

Sida uu caddeeyey Wasiirka Wasaaradda Arrimaha gudaha Mudane Cali Maxamed Warancade in bahda caddaaladdu ku shaqayso laaluush iyo wax is dabamarin ay kasoo dheegatay xukuumadda uu wasiirka ka yahay.

Waxaanu leenahay Wasiir  ”Geela Duqdiisi Durdurisay Aarankiisana Maxaad Mooday”

Marka ay Madaxtooyada qaranka iyo wasiirada xukuumada Kulmiye, hantida umadda ku bixiyaan laaluush iyo guul-wadayn  iyo mansab-bixin iyo shaqaalayn beelaysan oo caddaaladda ka fog si ay u meel marsadaan ujeedooyinkooda ay danaha gaarka ah ka leeyihiin

Maxaa bahda garsoorka  iyo Caddaaladda  laga fili karaa oo aan ahayn in ay maraan  waddada musuqa ee ay xukumaddu bartay.

 

Burcomedia.com

 

Leave a Reply